ماذا تريد مبـارك . ام الرحيـل وليه؟

انا في رأيي المتواضع انه لازم الرئيس يكمل حتي فترة ولايته لانه عيب قوي ان شخص في مكانة الرئيس مبارك يخرج من الحكم بالشكل المهين ده لان دي اهانه لينا كلنا ولون من الوان الجحود ونكران الجميل انا مع اللي بيقول انه فيه غلط بس الغلط اتصلح فيا ريت نعقل ونبطل قلة ادب ونسيب الراجل يكمل فترة رياسته علي الاقل عشان يقدر يصلح الغلط اللي الناس بتتهمه بيه
اما عن راي من حيث بقاء بعد هذه الفتره فانا مع انه يكمل لانه مفيش حد يقدر يملئ الفراغ اللي حينتج عن رحيله عن الحكم وكمان لانه حيعمل بشتي الصور عشان يصلح من صورته امام الناس وطبعا اكيد محدش يرضي بالبرادعي ولا ايمن نور ولا الاخوان كرئيس لمصر وانا علي فكره لا انا تبع حزب ولاجماعه انا بقول علي اللي انا شايفه
بس للعلم الرئيس مبارك للاسف مستحيل حيرضي يترشح تاني
بس لو حد سألني عن مين اللي ينفع بعده اقول انه من الاصلح يكون اللواء عمر سليمان كرئيس للجمهوريه والفريق احمد شفيق رئيس للوزراء

انت جيت على الجرح
انا ضد مبارك لانى زهقت من كتر الوعود اللى مش بتتنفذ
وزهقت من السرقة اللى كانت بتحصل وهو ساكت لو لم يكن له نصيب منها
زهقت من حاجات كتيرجدا فى عهدة
انا معارض ليه
من حيث بقى علاقتة بأسرائيل وانت بتقول ان اسرائيل بتحبة علشان اعطاهم درس قوى
اقولك وبتحبة كمان علشان بيعطيهم الغاز ببلاش
وبتحبة كمان علشان بيحبس اهل غزة علشان يستفرضو بيهم الصهاينة
وكمان اسرائيل بتحبة علشان ليها علاقات معاه كتير والاتفاقية اللى من طرف واحد
وهناك اشياء كثيرة اعارض مبارك من اجلها
ولاكن
انا مع السلم ولا للتخريب
مش عاجبنى خالص اللى بيحصل فى التحرير دة
قتل ناس بايدى اخواتهم او اقاربهم
بنشمت الاعداء فينا
تخريب اللممتلكات
وقف المصالح
ارتفاع الاسعار ارتفاع جنونى
وحاجات تانية كتييييييييييير
حرام لما الراجل اللى كان بيروح شغلة اللى هو مصدر رزقه يلاقية متبهدل
والمشكلة دى هتعمل بطاله اكثر
انا ضد مبارك وضد التخريب
انا مع الامان ومع السلم
انا ضد الفساد
انا مع الاصلاح
انا ضد الظلم
انا مع الحق والعدل
انا ضد كل قبيح
انا مع كل حسن
وفى النهاية
ممكن اكون خطأ وممكن اكون صح
شكرا

شكــر " عــزت ,و. ومـان لو, واحـب اقـول ان اهـم شـى ان الوضع يستقـر لن هما ممكـن يقولك الدراسه لاجل غيـر مسمـــا